حلمنتيش ((ما قلنا ليك منو ابتعد))

استعرض الموضوع السابق استعرض الموضوع التالي اذهب الى الأسفل

حلمنتيش ((ما قلنا ليك منو ابتعد))

مُساهمة من طرف dr.sudani في السبت أكتوبر 11, 2008 11:49 pm



ما قلنا ليك منو ابتعد الزول وسيم ما مستواك
تاني شن طعم الندم سويتو في نفسك براك

ما قلنا ليك
ما قلنا ليك ما قلنا ليك ما قلنا ليك ما قلنا ليك وانت ما سمعت الكلام
عملت فيها الود حريف سارعت بادرت الهيام
اصلو ما فكرت انت بعد الصباح ياتي الظلام
عاندتنا وخالفتنا فاكرنا حاسدين الغرام

ما قلنا ليك

ما قلنا ليك الزول عنيد منو خليك في احتذار
شاكوش مرفوع في السماء ولمن يطق شرار
وفي الضربة ديك الراس يطير والما يبقي دخان ونار

ما قلنا ليك ما قلنا ليك
ما قلنا ليك شيل الصبر ونحن الصبر عارفنو حار
مافي زول الحظ نساهو وفي القسمة احلي الانتظار
الحب عذاب والحظ نصيب والقسمة تهدي الاختيار

ما قلنا ليك

خلاص كفاك قوم يا ولد خلي البكاء وسيب النواح
الزم سريرك استريح ما الزول خلاص اعلن صراح
انساهو زي ما نساك هو وقتل الهوي ومنو استراح
وسابك وحيد في فرقتك تحضن عويلك والصياح

ما قلنا ليك
عمرو الندم ما جابلو شي واصلو العويل مازال جراح
خليك مؤمن بالقدر ما الكتير في الدنيا راح
بكرة حظك يبتسم ويجلي ظلمك بالصباح

ما قلنا ليك ما قلنا ليك
عيب يا عبيط ما تنتحر املآ قليبك بالامل
سيب المؤاجع للزمن وخلي الحماقة والزعل
لومته ما بتفيد بشي ما تكون نوادر للاجل
بيك الجميع بتونسو ويصل الخبر لي كل محل
الناس اكيد بجو بسالو شنو الحصل
وفي اللحظة ديك كيف الشعور وكيفن يكون رد الاهل

ما قلنا ليك ما قلنا ليك

ما قلنا ليك منو ابتعد الزول وسيم ما مستواك
وتاني شن طعم الندم سويتو في نفسك براااااك
avatar
dr.sudani
رئيس المنتدى
رئيس المنتدى

عدد الرسائل : 295
العمر : 29
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى