طولي "رائعة"

اذهب الى الأسفل

طولي "رائعة"

مُساهمة من طرف dr.sudani في الأحد أكتوبر 12, 2008 12:45 am

ألز حاجة في القصيدة دي ، إنو عمّنا ده كان بينبز في طولو وما خلاّ ليهو حاجة.. وكان بينبّز ومافي زول سألو في الموضوع .. مما الأطفال قالوها ليهو بقى يشكّر في الطول والطوال .. ويا ريت كده بس بقى يهبش في الناس القصار كمان! بس القصيدة من ناحية ما مضحكة وفي جانب مرح وروح رياضية واضحة ..



طولي..

طولي يا طول العدو

زي التقول ماطنّي مط

ماشي في الشارع عديل

وعشان طويل

يقولوا بتّاوق بي الحيط

رجليني الطوال

الاتنين شمال

رجليني جايات غلط

الناس رجولا قدُر كِده

تلبس في الجِزم

وأنا رجولي قَدُر كده

ألبس في الشنط!

طولي يا سبب الأذيّة

الناس طولها ميّة سنتي

وإنتَ ألف وخُمسميّة

الناس تِحت تصلي العشا

وأنا لسه شايف المغربية

طولي يا سبب الوجع

الناس لو دايره تتكلم معاي

إلا في كم وكم حاجة تطلع

أدنقر في الباب أقوم ألقي الباب هنا انقلع

أخش جوّه الأوضة

ألقى العرش ارتفع

طولي يا طول الهنا

الساعة ديك أظن أمي كانت تفكّر في برج

وبعد شوية جيت أنا

ولادتي كانت متعثّرة

وأظنها في كم سنة

الظاهر كل يوم تطلع 10 متر

ولسّه ما كملتَ أنا

وفي النهاية، يومي الإتولدتَ

شالتني الدهب ختتني في المخدّة

نايم جوّة في الأوضة

ورجليني برّة في البرندة

طولي يا البقيت لي دليل

مما دخلت المدرسة لا قريت أولى لا تانية

دخلت ساته عديـــل

قعّدوني في آخر كنبه عشان طويل

والشُفّع يقولوا طويل عنقوق

راسك ما فيو طايوق

عشان طويل

لكن نحنا الطوال

حصّلنا القمر في النجوم نتشال

نحنا طوال زي قصر الشباب والأطفال

وزي قاعة الصداقة

والناس القصار ديل، سكن عشوائي

بتشيلن الكرّاكة
avatar
dr.sudani
رئيس المنتدى
رئيس المنتدى

عدد الرسائل : 295
العمر : 29
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طولي "رائعة"

مُساهمة من طرف dr_amoor في الأحد أكتوبر 12, 2008 12:50 am

ههههههههه

ده طويل للدرجة دي و الله ابداااااااع عديل
avatar
dr_amoor
مشرف
مشرف

عدد الرسائل : 277
العمر : 29
الأوسمة :
تاريخ التسجيل : 07/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طولي "رائعة"

مُساهمة من طرف dr.sudani في الأحد أكتوبر 12, 2008 12:55 am

هههههههههههههههههه
Very Happy Very Happy Very Happy Very Happy Very Happy Very Happy

_________________



avatar
dr.sudani
رئيس المنتدى
رئيس المنتدى

عدد الرسائل : 295
العمر : 29
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى