أولاد صايعين ومايعين

اذهب الى الأسفل

أولاد صايعين ومايعين

مُساهمة من طرف dr.sudani في الأحد أكتوبر 12, 2008 1:04 am

ولاد مايعين

ولاد صايعين

قميص رقاش

وقاش حشاش

جسيم ناعم

ممسح ديمة بالفازلين

وحس مخفوض ولين ..لين

حناكيش والله .. ما ناقشين

بياكلوا الجبنه بالبيرجر

والمايونيز ملخبط فيهو حب التين

معلق جدول التسمين

ووكت ما يجوك ..متلمين

تقيف محتار..

تقول يا ناس

ديلا رجال..؟ ولا عوين.؟

هه يا ..خذلان لوث مجد

كان صنعوه بالدم الغزير

والعزه والتحصين

هه يا الخيبه وكنت امل

معشش في قلوب اهلك

وزي المويه ليك راجيين

طلعت فشوش...

دهب مغشوش..

وما بتنفع..

لا بجنيه..لا طراده ..لا ملين!

منو القال ليك دروب العزه

كان ركبوها بالفيسبا

والبازوكه والفازلين..

منو القال ليك سيوف النصر

كانت عند ولاد لامعين؟

اكان فراسا ركبو الخيل

وصنعو العز

لبست الليله انت الجينز

ركبت البنز

تدور مكنه بالبنزين

وبعد دا ..خسرت الحرب

وجيت راجع مع الفاشلين

منو البسمع كلام مليان

لما يقول:

(الشعب العربي وي؟

الغضب العربي وين؟

وين الملايين..؟)

ملايين كان وجودا زمان

لكن صفر في دا الحين

ملايين كان صداها زمان

نعيق البوم فى دا الحين

ملايين كانو فوق في العرش

ووقعوا الليله جوه الطين

من المحيط وللخليج

ملايين كلهم فاشلين

فرد غنيه لي جاكسون

ملايين كلهم راقصين

فرد طلقه من صهيون

ملايين كلهم لابدين

ملايين والله ما نافعين

منو البيرجع التاريخ

لمن كانت اسبانيا

معقل وساحه للفاتحين

منو البيصحى عين جالوت؟؟

بعد ما مات صلاح الدين

منو البقطع رحط القدس؟؟

عروس بت عز

ويا داب في عمر عشرين

وبرضو تقول شباب عرب؟؟

اصح نقول شباب ضائع

مشتت وفي قيود و سجين

لكن يا ناس بقولو كلام

تعالوا ننضف افكارنا

نحارب الجور

نحارب الردة والأثام

نفكر في عروبتنا

نخطط نمشي لي قدام

وبعد اليوم فيا جوليا

ويا ام عزين .. ويا الهام

حلفنا نجدل العملاء

وكل صهيونى ابقى حطام

وتبقي العزه عربيه

تعانق في سمانا غمام
avatar
dr.sudani
رئيس المنتدى
رئيس المنتدى

عدد الرسائل : 295
العمر : 29
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أولاد صايعين ومايعين

مُساهمة من طرف dr-yousra في الإثنين أكتوبر 13, 2008 2:48 am

قميص رقاش

وقاش حشاش

جسيم ناعم

ممسح ديمة بالفازلين

وحس مخفوض ولين ..لين

حناكيش والله .. ما ناقشين

بياكلوا الجبنه بالبيرجر

والمايونيز ملخبط فيهو حب التين
الله يصلح ويعدل ويبقيهم رجال
avatar
dr-yousra
مبدع فعال
مبدع فعال

عدد الرسائل : 85
العمر : 30
الأوسمة :
تاريخ التسجيل : 09/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أولاد صايعين ومايعين

مُساهمة من طرف dr_amoor في الثلاثاء أكتوبر 14, 2008 1:48 am

لبست الليله انت الجينز

ركبت البنز

تدور مكنه بالبنزين

وبعد دا ..خسرت الحرب

وجيت راجع مع الفاشلين

منو البسمع كلام مليان
و الله معاك حق يا دكتور

يديك العافية
avatar
dr_amoor
مشرف
مشرف

عدد الرسائل : 277
العمر : 29
الأوسمة :
تاريخ التسجيل : 07/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى