من روائع ملك الرومانسية اسحق الحلنقى

استعرض الموضوع السابق استعرض الموضوع التالي اذهب الى الأسفل

من روائع ملك الرومانسية اسحق الحلنقى

مُساهمة من طرف dr_amoor في الإثنين أكتوبر 13, 2008 1:44 am

عصافير الخريف



هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن
قليبو كـلام حـنين






صفق العنب




على صفق العنب اسمين
كتبناهم بدمع العين
ومرت بينا غيم الفرقة
واتفارقنا مجبورين
ولما رجعنا من غربتنا
فرحانين مع العايدين
لقينا الريح محا الذكري
بكينا على ضياع اسمين
***
كتبناها الاسامي زمان
وتشهدى يا ضفاف النيل
طفولتنا القضيناها
زغاريد فرحة شاقة الليل
سنينا تضوى بي الامال
وكل العشناه زاهى جميل
وماشين فى دروب الريد
نغنى والاماسي تشيل
جاتنا الفرقة زايرة ديارنا
بى ليلا الى ما يندار
بقت فينا شالت زهرتا نضار
ساعة الدار
خلت بينا نار وشمعة
لاحظ شمعة يانوار
سواقينا الحزينة بكت
على الريد الولفنا زمان
****
كبرنا الليلة جينا نشوف
حكاية حزينة لى قلبين
كنا زمان رسمناهم
على صفق العنب اسمين
كنا زمان رسمناهم
على صفق العنب قلبين
على صفق العنب طفلين
قايلين نلقى ماضى الذكري
فوقنا يلالى زى نجمين
لقينا الريح محا الذكري
بكينا على ضياع اسمين






اعزرينى



أعذريني الدمعة ديّه...حتبقى آخر دمعة ليّه
تاني لو قربت مني.....يبقى ليك الحق عليّ
********************
أعذريني محال أعاود....تاني ريدتك وأمشي ليها
ولا أرحل في عيونك....والطفولة الضاجّة فيها
كيفك أريدك وانتي أصلك....ريدتي ما حسيتي بيها
بالبعاد ما تعذبيني......أعذريني وأعذريني
*********************
ما قدرت مرة واحدة......بالغلط أغلط عليك
وانتي عمرك كلو ظالمة.....والدليل غفراني ليك
عارفو قلبك ما معاي.....برضي شاغل قلبي بيك
بالحنان ما تعشميني......أعذريني وأعذريني
*********************
من زمان وأنا راجي منك....كلمة بيها تفرحيني
وانتي ما فرحت قلبي......كنت ديمة تجرحيني
قسمة الزول ما بتفوتو....والبجيني معاك بجيني
لو بكت منك عيوني......سامحيها وأعذريني
avatar
dr_amoor
مشرف
مشرف

عدد الرسائل : 277
العمر : 29
الأوسمة :
تاريخ التسجيل : 07/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى