مكتبة كلمات أعاني"عقد الجلاد"

اذهب الى الأسفل

مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:35 am



مكتبه كلمات اغانى عقد الجلاد
دى ياجماعه كلمات اغانى للمبدعين دايماً


][][§¤°^°¤§][][ عقد الجلاد ][][§¤°^°¤§][][


والى عندووووو اى ذياده يشارك بيهااااا

ويديكم الف عافيه

تحياتى


الطمباره والغناى

للشاعر/ محمد طه القدال

لحن الاستاذ/عثمان النو



نحن اهل الفرحه جينا

لاالمدامع وقفتنا ولاالحكايات الحزينه

لما درب الرايحه جابنا جابنا في هادى المدينه

ياولدى الدروب شقاقا بحر التيه

ليك درب ولا دربين مساك الدروب ضهاب

ليك قلب ولا بالين وسواى القلوب كضاب

ليك ضهر ولاسرجين ركاب السروج وقاع

شق ياولدى بحر التيه بتتدردر وتتودر

ولامن يوم علي تايتنا ديك ترسي

نعزك بالقبيل داخرنو ليك

الشوق بحر ياولدى بحراً تيه

قت ليك العليك ادرابو لا تنغش ولا ترضابو لاتنغش

في الزمن الزمين والكي يسوهو خلاف عشان الني

عليك الدور وتصريف الليالي بدور تشيل ما شلنا من الهم

ولا من دمعه ترمي الدمعه فوق دربك

روح يابا .. وابق قفاك لاتعاين ولاتعاين علي موطاك

ولا تندم علي خطوا تملي مشيتو لى قدام

وابقي العاتي زى سنطتنا زى صبرا نلوك فوق مرو زى الزاد

لاشيتاً نزل في الجوف ولابرجع ولا بنزاد

واركز للبجيبها الريح تقيف انت ويشيلها الريح

وابقي العاتي والدرب الوراك مسدود و شيل شيلتك

بقيت للنص لاحلما بجيب البر ولا حدود

وانبليتا اختا الرمله ما تقع البكان الهش

هي الممطوره مابتبالي من الرش

النعمه بتعرف عاطيها والجمره بتحرق واطيها

بالكيله عطانا و ما لقينا فوق جمر خطانا وما لقينا

يوم الوعد... ياحليوه فيك الدنيا ما كانت شروق

الا الارض متكشفه متبلمه نعمنو من خير الخريف

لافحالها شال منطرحه خضرا وفرحه دوب تتشابي لي عين الشمس

من بت حليوه النفس بيضا كذا الحليب

والروح مشحتفه في البلود الفيها ريحتك

للبعود من فزعة الغربة البساسق فوكا

موراجع ولا بالحيل قريب

الروح مشحتفه في الحبيب القلب بكر الدنيا ما شافت جديدو

ولا الحزن دقالو باب

وشفتي كيف يوم الوعد كيفنو مترامي الغمام

والقمري زغرد للبلوم النسمه هبت مرتين

يا حليوه يوم دقيت بارضك فاس خصيب والتانيه في

يوم الوعد والايد تسالم في الايدين

والام تقالد فوق جناها تشمو زين

وحليوه صاحيه حليوة ضاحيه كذا النسيم

والدنيا غيم وحليوة جد جد ياولد قول للبلد

قايل غناوي الحزن ليش شايل مساديرك مجامر دمع ليش

ليش يا بلد والناس تريد والدنيا كل ما نريد تزيد

تملا الايدين تفرح تهش

لو صحيح غنينا بالدمعه الحميمه ولو دموع الفرحه ما لاقت غنانا

بكره نرجع تاني للكلمه الرحيمه شان هنانا شان منانا

شان عيون اطفالنا ما تضوق الهزيمه

--------------------------------------------------------------------------------


عدل سابقا من قبل dr.sudani في السبت نوفمبر 01, 2008 9:57 pm عدل 1 مرات
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:35 am

لانك عندى كل الخير

وجيهك فرحة الدنيا

ودواخلك زى شعاع النور

عرفتك وكنت زى شفتك

قبل القاك

وزى انك بتنبعي من فرح جواى

تمسحي عن رؤاى الضيم

وتضحكي للزمان الجاى

وتتفجر مسامك ضي

مع الصبح الغشانا شوى

كأني معاك كائن حي

كأنو صفاك كأنو الحل

افارقك والعمر عندك

زهيراتاً غشاها الطل

واحاسيسك بتتكمل

غنيواتك بتتبارك مع

الايام وتتجمل

افارقك والزمان اجمل عشان

تشعل ملامحي ضياك كل مانجيمه

تتحول

وشان تفضل ملامحك فيّ زى ماكنتي في الاول
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:36 am

حاجة آمنة


حاجة آمنة أصبرى
عارف الوجع فى الجوف شديد
عارفك كمان ما بتقدرى
اصبرى .. اصبرى
جاهلك شكى وجاهلك بكى
وفى بيتك المرق اتكى
والشيء البحير ومابحير
مابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى

سرحتى فى هموم العيال
كيفن يعملوا مع الدروس
وسرحتى فى حق الفطور
باقى الامور البى القروش
واحد زمن داير ردا
واحد خلاص قلموا اتكسر
زى التقول أكلوا الصبر
يا حاجة آمنة اصبرى

مشيتى لى برج الحمام
برجك صفحتين ما بزيد
ومشيتى لى برج الحمام
كان تلقى ليك جوزاً جديد
يمكن بعد طلع الصباح
يغشاكى زولاً يشترى
هبشتى جاى فتشتى جاى
كان تلقى سكر بس محال
باقى الرطيل الفى الكرت
يا حاجة سفوهوا العيال
يا حليل زمان وسنين زمان
يا حاجة لو تذكرى ... يمه

وسمعتى صوت جاك من بعيد
وبعد قليل بابك ضرب
وسمعتى صوت جاك من بعيد
شالك تعب ... ختاك تعب
يا حاجة ناس المويه جوك
أصلو الشهر روح جرى
يا حاجة آمنة اصبرى

بعد صراع وصراع طويل
يا حاجة بينك والمحال
ما لقيتى فى داك النهار
شيتاً ويجو ياكلوا العيال
حبة عدس ما بسوى شيئ
وينو البصل وينو اللحم
حبة عجين ما بسوى شيئ
وينو الدقيق وينو الفحم
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى


عدل سابقا من قبل dr.sudani في السبت أكتوبر 04, 2008 3:38 am عدل 1 مرات
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:37 am

يا ودود الابتسامة
بشتكيلك منك الحزن الدفين
خلي بالك للغمامة تملى
تملى لما تنزل لا بتشكي ولا بتحكي
الا تطلع من انين الارض وردة وعش حمامة
شفتك امبارح معايا
كنت بين نايمة وصاحية
تحتويني الريدة والشوق والعنا
وانت صاحي ترفع ايدك للشموس العالية
وتدفئ الغنا
ينتميلك قلبي يا اب قلباً حنين
بشتكيلك منك الحزن الدفين
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:37 am

كل مانقول خلصنا الليل
يطلع باكر ليلا أطول
كل مانقول خلصنا الشيل
تطلع شيلة باكر أتقل
بس نتحمل ونصبر ونأمل
إنو الجاي صباحا أجمل
لكن كيف
طعم الريد جوانا اتحول
مرة تشيلك فوق لفوق
مرات تملاك فاقة وضيق
تلقى الدنيا تلم في هموما
تفتح جرحك وانت تضوق
أنسى وأقول ما منها مني
دايما بحلم وأنا ممحوق
قنا كتير الشارع بقصر
لمن نصبر نحن نكون
لم الزول في يوم يتعثر
بكرة القاسى الشافة يقول
بكرة بنمشي الخطوة الأولى
التانية التالتة
الرابعة الخامسة
وفجأة
نلقى الشارع قسى واتحجر
نلقى الحلم الفينا اتكسر
ويبقى الزول
مسجو ن مجنون مهضوم بالهم
مسكون ميئوس معفوص جواو
منحوس محبوس ويكوس
أسي دا شارع ماشي لي وين
لينا عليهو سنين وسنين
نمشي كأننا ما ماشين
نفتح سكة نسد اتنين

avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:38 am

ايدينا ياولد ايدينا للبلد
الغربه ان شاء الله تعقري ياتعدمي المال الفقري يا تعدمي
الشيك الخضري والله شلتي العيال من بدري والله شلتي

ايدينا ياولد ايدينا للبلد
كان اخويا اللبره جانا والله يصلح الحال معانا والله يصلح الحال معانا شلنا الغربه المئخرانا شلنا الغربه

ايدينا ياولد ايدينا للبلد
ننتج بي ايدينا والله نخلص العلينا شان تشيل ام ريكا دينا نبني دارناوتبقه لينا نبني دارنا
اخلاصنافي العمل ا خلاصنا في العمل يسوقنا للامل
حكومه كان تنصلحي كات تعرفي عيشي وملحي كان تشوفي
اللبي تزحي ماتباري القول تلحي كان تعرفي
كان الحكوم صلح سودانا صار مليح
ايدينا ياولد ايدينا للبلد
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:39 am

المدينة


للشاعر/ هاشم صديق
الحان / عثمان النو

دي المدينة وديل ايديا
داير اكتب انا في النوافز اه في المنافز
اسمي تاريخي وحكاوي الرحلة في الزمن المعاصر
داير اقول كل الكلام
الما اتفهم لي جاري
لي صاحبي واخويا
ولا اتشرح جوه الدفاتر
داير اقول همسي الصريح
وقصه الحزن المحكر جوه فيني
في دروب الدنيا متغرب مسافر
دي المدينة وديل ايديا

اه اه يايمه لسه بخوض في بحر الزيف
رمل الصحرا غمر بستاني طال الصيف
ومازارني خريف طال يايمه
لسه بخوض في بحر الزيف

مشيت في الشوك لي ضريحك ابكي
مره اكابد ومره اعاني
مره اقيف اتنفس لحظه
واعود من تاني اخوض في الزيف
اه اه يايمه لسه بخوض في بحر الزيف
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:40 am

شعار : احمد محمد الغالي

الحان : عثمان النو



عيناك لي سقيا وحلاوة اللقيا
إن غابت الاصحاب وتركتو مقهوراً
عاراً بلا انخاب اتلصصو السقيا من فارغ الاكواب
عيناك عيناك
قلبي عليك يمور ياقارب البلور
من لحنك المكسور ياقارب البلور
قلبي عليك يمور ياقارب البلور
الكف صار عليل عليل يا قارب البلور
قلبي عليك يمور ياقارب البلور
لايرسم اللوحات ولا يحمل الازميل
قلبي عليك يمور يا قارب البلور
ان غابت الاصحاب وتركتو مقهوراً
عار اً بلا انخاب اتلصصو السقيا من فارغ الاكواب
عيناك عيناك
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:45 am

نورا
محمد حسن سالم حميد

هي أقيفن

نــــورا فيـكن؟

نـورا نـقاحة الجروف

نـورا حلابة الـلبيني

لـلـصـغيرين والـضـيوف

نـورا سـاعة الـحر يـولع

تنقلب نـسـمة وتـطـوف

تدي لـلجيعان لـقيمة

وتدي لـلـعطشان جـغيمة

والـمخلي الـحال مـصنقر

فــي تقاة الـليل تندقر

تــدي لــي بـاكر بـسيمة

تكسي لـلـماشين عرايـا

وفـوقها يـنـقطع هـديـمه

ما عرفتن نورا إنتن

قـولن إنـتن شـن عرفتن

نـــورا بت الـواطـة

أخــــيــــتـــي

نــورا أخت كـل الـغلابة

نــورا حـاحاية الـشقاوة

نــورا هـدايـة الـضـهابة

الأراضــي الـياما أدت

نـورا بـقت مـن ترابه

ومـاشي فـي الأعـماق سحابة

مـشـتـهنها والله جـابـه

الله جــابـه الله جـابـه

لـلـجنوب طـبلا يهدهد

لـيـل مـشاعر نـاس تـعابة

ولـلشمال طـنبور يسكت

دمــعـة الـمـيتين كـآبـة

مـا عرفتن نورا إنتن

قـولن إنـتن شـن عرفتن

نــــورا

عـايـزه تـقـرا قـالـت

فـوقـا حـيطة الـدنيا مالت

ختت الـكـراس وشالت

مـنجلا صالت بو جالت

لامن إنـجرحت بـو شـالت

لـي الـتراب فـوق إيدها كالت

ومـرة يـوم في الدونكا لدغت

جـا الـفقير بـالليل حـواها

ويـوم مـلاها الـهم قطايع
جـا الـبصير بـالنار كواها

ونـورا مـا قدرت تمانع

تـقـنـع الـنـاس الـمـعاها

مـرة شـافت فـي رؤاهـا

طـيرة تـاكل فـي جـناها

حـيـطة تتـمغى وتـفلع

فــي قفـا الـزول الـبناها

فـي جـنينة سـيدي سمعت

شـتلة تـصقع لـي الـوراها

الأرض

لابـــد

تــــرجـــع

لـلـتعب فـوقا ورعـاها

غـيمة والـنيل موجو لاها

والـعـطش شـقـق شـفـاها

الـشمس طبقت ضـحاها

الـخـلـيقة لـقـت إلاهــا

نــــــــــــار

عـقـاب إنـسـان مـكسر

فـــوق تلكيات مـتـاهة

وضـو من الله رهاب مكتف

فــي وتـيـد الـليل مـعاها

بـين ربـوع حضره وخلاها

فسرت لـي الـناس رؤاهـا

وقالوا جنت ومو براها

ونــورا زادت فـوق شـقاها

و صـدت الأيـام تـحش

تـبني لـي عـصفورة عش

فـي الـسواقي تـشوف عزاها

لـما شـوقه يسوي اش!!

تـــمــلا تــــزرع

تــرعــى تــقــرع

لـلـنهار فـي الـليل تـخش

عـرفت الـشقا والـشقاوة

إلا مــا عـرفـت تـغـش

شـايلة طـولة البال من الله

ومــن أراضـيـنا الإثــارة

ومـاشه تـكدح طـول نـهاره

وتـرجى لـما الـليل يفلل

تـسرق ألـمي عـشان خداره

عــشــان صــغـاره

عـــشــان خـــــداره

عــشــان صــغـاره

ولـمـا تـرجـع لـي ديـاره

تـنـزف أحــلام الـفـقارى

مــن عـويـناته الـحـيارى

لــي غـبـار الـحال تـقش

فـوقـو لـي الآمـال تـرش

نـــــــــــورا

تـــــقـــــعــــد

صــاحـي تــحـلـم

بـي بـيوت بـي نـور ودش

وبـالـمحبة تـشق دروبـه
ولــي قـلوب الـكل تـخش

نــــــــــــورا

تـحـلـم بـــي وجـــود

مــا مـشـت بـينو الـقيود

أفـضل أفـضل بـي الكتير

بـي وطـن مـن غـير حدود

نــورا تـحـلم بـي عـوالم

زي رؤى الأطـفـال حـوالـم

لا درادر لاعـسـاكـر

لا مـــظـــالـــيــم

لا مــــظــــالــــم

نـــــورا تــحـلـم

ولـما تـحلم نورا ترجف

ولـما ترجف نورا تحلم

ولـما ريـح الـواقع الـمر

لـي عـشيش أحـلاما يـنسف

نــــورا تــنـزف

وفـي الوجود وجدانها يهتف

حــالــة تــقـرف

حـــالــة تــكـسـف

حـــالــة تكسف

حـــالــة تــقــرف

وتــبــدا تــقـضف

ولـــمــا تــقــضـف

بـــــالا يــهـتف

وتـملا بـاله أحـلام بـتلصف

يـــوم حـــا تـنـصـف

يـــوم حـــا تـنـصـف

نــــــــــــورا

لـــسـه بــعــيـد ..

هــــــنــــــاك

وتـــبــدا تــحـلـم

ولـمـا تـحلم نـورا تـرجف

ولـمـا تـرجف نـورا تـحلم

صــاحـيـي تــحـلـم

وصــــاح بـتـحـلم

صـــــاح بــتـحـلم

بــتـحـلـم صــــاح ...
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت أكتوبر 04, 2008 3:45 am

اب السنط
الشاعر/محجوب شريف
الحن/طارق جويلي
دق باب السنط والدبكة والنفاج
والحوش الوسيع الساكنين افواج
واللمة التي ربت جنا المحتاج
والنار الدقش والريكة جنب الصاج
الفينا مشهودة عرفانا المكارم انحنا بنقودة
والحرة بنخوضة
الشاي باللبن برادة لابس تاج
صينيتة الدهب ترقش كبابي زجاج
والسكسك المنضوم حول الجبينة نجوم
والفنجرية تقوم تقهوج الحجاج
طق طرق
يابن القهوة كيف ومزاج
طق طرق
يابن خلي نعدل الراس
avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف sniper في الجمعة أكتوبر 10, 2008 6:10 pm

Dr. sudani I need website for world music if you know
thanx for this I love you
avatar
sniper
مبدع فعال
مبدع فعال

عدد الرسائل : 59
العمر : 30
تاريخ التسجيل : 06/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة كلمات أعاني"عقد الجلاد"

مُساهمة من طرف dr.sudani في السبت نوفمبر 01, 2008 9:55 pm

سأبحث لك عنه وأعطيك علما...

_________________



avatar
dr.sudani
رئيس المنتدى
رئيس المنتدى

عدد الرسائل : 295
العمر : 30
الأوسمة :
تاريخ التسجيل : 03/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى